شكرًا جزيلًا للدكتور أشرف كنزي، على العناية الفائقة التي قدمها لأطفالي. مهنيته العالية واهتمامه الكبير بنفسية وتفاصيل علاج الأطفال جعلتنا نشعر بالراحة والاطمئنان.ننصح بشدة بزيارته لأي شخص يبحث عن طبيب أسنان ماهر ومتفهم للأطفال.

كان موعدي تنظيف مع الدكتوره أفنان .. الله يسعدها يارب..خلوقه،، استقبالها راق،، يدها خفيفه .. والنتيجه عجبتني

ماقصر الدكتور أحمد القطان قام بعمله بكل احترافية وتمكن وانا سعيد بوجود هذا المركز الجميل المتكامل على ايدي السعوديين وزملائهم الي نفخر بهم 👍🏻.

مسويه تقويم مع الدكتور فايز الله يسعده حريص جدا وشغله جبار رتب اسناني ترتيب 💜 ومتعاون بكل شي ولا يرضى تطلعون بدون ما يكون شغله كامل ومرضي. الله يسعده دنيا واخره وانصح اي احد يبي تقويم يروح له وهو مغمض 👍و سويت حشوه مع الدكتوره يارا جعل يدها ما تمس النار صدق صدق يدها خفيفه وما حسيت بأي الم بتاتا وخلصت لي حشوتين بوقت قصير عياده قليل فيها المدح وتستاهل كل ريال دفعته 👍

مساء الخير انا حجزت عندكم مع الدكتوره افنان الخريصي سويت تنظيف اسنان صراحه ماااااشاءالله تبارك الله وش اقول ابداع على خفة يد تبارك الله ولاحسيت ان اسناني تحسست ابد صدق التنظيف من قلللللب 😍♥️ وتعامل الدكتوره افنان راقي مرره وتعطيكم نصايح اذا كان عندكم مشاكل في الاسنان … شكررررا كثير والصدق ياحظ العياده بوجود الدكتوره افنان 👏🏼🥰

شكرًا دكتورة يارا على ذوقك وشكرا على عملك الاكثر من رائع علاج عصب مثالي وحشوه مُتقنه ،الله ينفعك بعلمك وعملك ويجزاك خير ، شكرًا ديب كير على نخبة الاطباء التي تذكر بالخير.

ذهبت مع طفلتي لعيادة الاسنان اليوم و كان عندها خوف لكن تعامل الدكتور اشرف معاها بشكل خلاها تلعب وتضحك في العيادة رائع جدا جدا مع الاطفال و شغل نظيف و احترافي العيادة جميلة جدا شرحة عناية بادق التفاصيل والجميل انه اعطانا خطة علاجية باسعار ممتازة طبعا انا على التأمين فما دفعت شي اكثر شي عجبني خفة اليد ولافي الم الحمدلله اتمنى لهم كل التوفيق و النجاح كل الشكر والتقدير للدكتور اشرف كنزي افضل دكتور اطفال في الرياض ياليت كل الدكاترة مثل الدكتور اشرف 🌹

سويت تقويم عند الدكتور فايز ما شاء الله من اشطر دكاترة الرياض والاروع لسا  الخطة العلاجية مع الاخصائية جهاد .. عالجتلي الوجه من الحرق يلي صار بسبب الفراكشنل .. الله يبارك بجهودكم ..و ما ننسى الطاقم التمريضي المميز  و الاستقبال الكول سنتر الطيبيين 😍❤️

شكرا شكرااا لعيادة ديب كير الصراحه على استقبال الموظفة منيره مره انبسطت اول شي بجمال المركز و الاول والاخير الموظفة الي ابتسامتها مافارقتها لين خلصت جلستي و دارتني وانا منفسه وتحملت مشكلتي مع تابي وتمارا😂😂🖤🖤يعطيك الف عافيه مركزز كير على استقبالكم لي وتحملككم لي و خصوصا موظفتكم المبدعة

العيادة رائعة .. اشكر الدكتور عمر العبود أسلوبه رائع جدا طمني في حالتي وعطاني حلول مريحة الله يسعده وكذلك الدكتور احمد القطان فاهم وهادي وشرح الخطة العلاجية بوضوح الله يبارك فيهم

بصراحة الدكتور اشرف كنزي عجيب مميز في تعامله مع الاطفال عرف يتعامل مع ولدي فيصل 7 سنوات بطريقة مميزه خفيفه لطيفه مضحكه مشجعه لدرجة انه يحب دكتور الاسنان ولا يكون عنده عقده ولا حتى حس بألم او اعترف بالألم مع انه صلح له 5 اسنان بنفس الوقت كلها سوس وضغط عليه وتحمل وهو سعيد ومبسوط ويضحك شكراً دكتور اشرف واليوم نايف اخوه الاصغر منه بسنه من الغيره يشتكي من اسنانه بس علشان نحجز له عندك

I have a dentophobia since I was a child. However, I had my very first operation with ZERO pain in my life here! Dr.Omar Alabood is beyond the best! His warm and kind personality made me feel relaxed.  He will give you as many details as you would ever expect. I can't thank him enough for his amazing operation.

بالبدايه حابه اشكر دكتوره يارا من ألطف و افضل الدكتورات اللي قابلتهم انسانه اميينه و ثقه و مريحه جدا بالتعامل و الاستشاري احمد الاسمري سويت معاه علاج عصب و الضرس كان مكسور جهه كامله و عالجه و ركبو لي حشوه دائمة، لو عياده ثانيه قررو يخلعونه اختصار للوقت مره مبسوطه بالنتيجه و انا تو ببداية الخطة العلاجية لكن متأكده اني اخترت الاشخاص الصح و بعطيكم ابديت نهاية الخطة العلاجية بإذن الله 👍🏻👍🏻العيادة نظيفه و هادية و موظفات الاستقبال محترمين و بشوشين شكرا مره💙💙💙

أشكر الاخصائية جهاد شغلها ممتاز سويت عندها هيدرافيشل ودرمابن بشرتى تحسنت جدا النتيجه ممتازه وراح اكرر زيارتى للعياده استقبالهم رائع

رحت عند الدكتوره يارا المطيري كلمة رائعة قليله عليها 🥹 تشتغل فيك وهي شااااطره و فااااهمه وتعلمك وهي تشتغل وش قاعده تسوي ووين وصلت ووش مشكلتك ، والأهم يدها خفيييييفه ومستحيل يرجع لك الالم لنفس السن .. شكرا لكِ دكتوره يارا 🤍 …